Intezaar-e-Itarsi

2:30 baj chuke the...pet me chuhe kud rahe the...khana jamke khaya...parcel food ka menu bhi kuch khass hi hota hai...baigan ki sabji...dry besan...2-3 type ke achar...namkin....maaja aa gaya...

Lunch ke baad...PowerNap to jaruru hoti hai...to phir kya tha...? Sabne apni apni berth lapaki aur so gaye...

Mai 5:30 pe jaaga...Itarsi aane me ab bhi kafi waqt tha...Itarsi me Swati Mausi rahti hai...wo station pe aanewali thi...Itarsi ke pahle kafi baarish thi...to Mummy ko laga ke unko faltu bhigna padega...jaise hi Itarsi aaya...waha baarish ka namo-nishan na tha...



Itarsi me Swati Mausi, Anil Mausaji aur Mahika aaye...unhone Bread-Butter...Dudh...aur kaafi kuch laya tha...train 10 minute ruki...fatafat dudh wagairah liya...train ke siren ke saath humne prasthan kiya......

Nagpur Station pe Sade Chaar Ghante

To subah 9 bajkar 20 minute pe hum logon ne SantraNagri me pravesh kiya...Railway station platform pe pahuchte hi pata chala ke Train No. 2969 CBE-Jaipur Exp apne nirdharit samay se thik 30 min ki deri se chal rahi hai....

Hum sabhi platform no. 1 pe pahuche...jaha pe train aane wali thi...fresh hokar Chay-coffee-Suwali ka maja liya...





30 min...phir dedh ghanta...dedh se dhai...train late hote gayi...maine call karke Sujay aur Kunal ko bulaya...wo SSGMCE me mujhse 2 saal junior the...maine to sirf un 2 logon ko call kiya tha...lekin humari puri team hi station par aa dhamki...phir baaton ka silsila chal pada...College ki yaadein ek baar phir taro-taza ho gayi...

Mummy ne hum sab logon ko Aam bandarkar diye...Juniors bol rahe the...Sirjee...college me ab wo maja nahi raha...Khair...

Train late thi to Papa-Mummy aur Nikhil...pass wale Tekdi Ganesh Mandir ke darshan karne gaye...mai apne saaman ki surksha hetu station par hi ruka...mere saath meri puri team to thi hi...garmi se raahat pane ke liye Coke liya...platform pe ek ke baad ek traine aakar ja rahi thi...humari sawari ko aane ab bhi 30 min baaki the...

Isi bich Sujay logon ne humse bida li...thik 1:45 pe train ka balkhate hue aagman hua...jyada bhid nahi thi...aaram se pura luggage train me chadhhaya aur apni seats pe virajman hue...thik 2 baje train ne prasthan kiya.....

Orange City ki Or

Akola ki raah hone ke kaaran...mobile ki chikh-chillahat ke pahle hi meri neend tut chuki thi...karib 3:15 huye the...puri train me ghana andhera chhaya hua tha...TTE sahab pass ke station se chadhe logon ki tickets ek batti ki maddhim roshni me jaanch rahe the...isi bich train ek station pe ruki...station ka naam tha Shegaon :-)

Shegaon ka mere jeevan me bahut hi ahum sthaan hai...aakhir yaha par maine apne jeevan ke 4 varsh bitaye hai...iss gaon ne mujhe bahut kuch diya hai...mujhe Computer Engineer bana ke hi chhoda isne...Shegaon ka naam padhte hi un 4 saalon ki yaadein ek chal chitra ke bhaanti mere aankhon ke saamne tair gayi...Shegaon ke station pe milne wali TR Sharma ki kachaudiyan...waah...mooh me paani aa gaya...

Udhar Akola me...sab log station pe pahuch chuke the...signal weak hone ke kaaran baat nahi hui...maine Papa ko message kiya...k Reachin der in 20mins..rite nw @Shegaon...train 15 minutes late ho chuki thi...

Akola station pe...Mummy, Papa aur Nikhil ko chhodne Kannu Mamaji aur Bichwale Naniji aaye the...pura luggage train me sajaya...Mamaji mere liye chay leke aaye the...maine chay li...Mamaji aur Naniji ko pranam kiya...aur kuch hi samay me Akola se vida li...

Hum log nikal pade the...apne jeevan ki bhag daud se churaye huye palon ko yaadgaar banane.........

Akela Safar...

Subah se ek sarikhi bhag daud chal rahi thi...ab kahi mujhe chain mila tha...ab Akola tak ka safar mujhe Akele hi tay karna tha...

Mai...Nikhil...Papa aur Mummy...outing ke liye nikale the...Rajasthan...Uttaranchal evum UttarPradesh jaane ka plan tha...

Pichhle ek mahine se planning...info gathering...reservation...packing ye sab chal raha tha...

Ye sab sochte sochte...Daund kab aaya pata hi nahi chala...maine Ice-Cream li...phir ek business magazine leke upar ki birth pe ja baitha...

Akola...subah 4 baje aana tha...waha se Mummy...Papa aur Nikhil train me chadhne wale the...maine apne cell me 3:45 ka alarm lagaya aur nidradhin ho gaya...

Pune se Prasthan

15th June'07

Ghadi...aaj kuch jyada hi raftar se daud rahi thi...aur uthi hi tez raftar se mujhe ek se ek important kaam yaad aa rahe the jo mujhe office se nikalne se pahle pure karne the...jaise...time-sheet submission...Self Appraisal...Weekly/Daily Excel sheet...issue ke final analysis ka mail...aur sabse important Leave Application.....

Haan...din tha Friday ka...aur mujhe office se 3 baje hi nikalna tha...05:20 ki PUNE-NGP Superfast jo pakadni thi...

Jaise taise saare kaam pure kiye...Rajib (Mere TL) se baat ki ...aur thik 3 baje office ko Bye kiya....

Office ke khatm aur baahar ke shuru huye...

Mithai leni thi...HDFC se ICICI balance transfer karana tha...socha flat pe jaane se pahle sab karlu...lekin naakam...mithai ke liye Chitale Bandhu ki saari dukane band thi...aur balance transfer ke liye mere pass check na tha...phir kya...??? Flat pe pahucha...apne Mandir ko Chuna lagaya :P...packing to pahle se hi hui thi...Reetesh ko jagaya...wo mujhe station chhodne aane wala tha...

Phir Reetesh ki khatra (khataara) Activa pe hum 3 (mai...Reetesh aur mera bag) sawar huye...aur chal diye station ki or...raste me ICICI ke ATM me check drop kiya...Garware Square wale Chitale Bandhu se mithai aur khakre kharide...

Station par pahuchne par waha ke famous Shiv-Kailash dudh ka aanand liya...(Reetesh mujhe free me to station pe chhodne wala hi nahi tha na...)...Train platform pe khadi humari raah dekh rahi thi...Pune se chalkar Nagpur ki or jaanewali train 2135 ne apne nirdharit samay se 5 min deri se prasthan kiya...

Train ki gati ke saath barish ki fuhare bhi jamin pe padne lagi...

I am back!!!

Last post dated 31st March'07...baap re baap...fianancial year end....uske baad kabhi posting nahi...sahi...bahut ho gaya...aaj se mere dimag ka bloggy-kida jaag gaya hai...1st April ke baad aaye saare vakaye post karna mai start kar raha hoon...bach ke rahna..........

Chalo...to start karte hai humari June mahine ki family outing ke saath...

Dad, how many Girl Friends did you have?

Boriyat ya susti se chhutkara pane ke liye aksar mai NDA Road ka sahara liya karta hoon…The road full of LiFE….full of Energy…full of Beauty…aur na jaane kya kya…

Agar aap kisi shaam iss road se gujare ho to aap samajh hi chuke hoge…….

Aur jab bhi mai uss Bhuttewali ko Sweet Corn ke bhutte bhunte dekhta hoon…to mujhse raha hi nahi jaata…Temptation pe kaabu paana maine to kabhi sikha hi nahi….

Shaniwar ka din tha…maine ek Bhutta liya aur jaa baitha pass me bani Puliya pe…

Ye road Chandni Chowk se NDA (National Defense Academy) ki or jaata hai…shaam ke samay kaafi log Evening Walk karte nazar aate hai…

Ek couple…jo apni Chalisi paar kar chuka tha…apni beti ke saath Evening walk ke liye nikla tha….(ye sab andazza maine unka aapsi samanjasya aur unka pehrav dekh ke lagaya hai)…..

Wo Tino aaye aur mere pass ussi Puliya par baith gaye…wo apne wartalap me mashgul the…achanak uss ladki ne uss aadmi se puchha….

“Dad, how many Girl Friends did you have…?”

Iss sawal se ek baat confirm hui…ke wo ladki unki beti hi hai….lekin sawal se uss aadmi se jyada bada shock to mujhe laga tha…ladki ne to sidhe Bouncer hi feka tha…..

“7-8 Astil…”(7-8 rahi hogi) Uncleji ne Marathi me jawab diya…Shayad unhone socha ho English me puchhe gaye sawal ka jawab agar Marathi me du to aage aur sawal puchhe na jaye…

Itna to achchha tha ke Ladki ki Mataji apne Cell pe busy thi…wo kuch Gujarathi me batiya rahi thi…wo in sab baton se bekhabar thi……matlab Uncleji ka Love Marriage hi tha….

Issi bich ladki ne ek In-Swinger dala….lekin iss baar Marathi me….

“Tyapaiki kiti janinna tumhi Driving shikawili…?”(unmese kitno ko aapne driving sikayi?)

Iss baar Uncleji ne thoda Defensive rukh apnate huye jawab diya…

“Tujhya Aaila sodun saglyana…”(Tumhari Mummy ko chhodkar sabhi ko)

Mai to ab Full Toss bhi jhelne ke kabhil nahi tha…mera Bhutta bhi khatm ho chuka tha…mai apni Bubbly ke saath chal diya apni Manzil ki or…….

ChOkHi-DhANi

Tour-De-Rajasthan

Ram Ram Saa…………ma…Priya...or Bindiya…Poona ka Marwad gaya tha…...Haan ji…the barabar hi bachya…Marwad gaya tha Marwad…Sair Karbane…Haathi…Ghoda...Oot ki sawari karbane………..

Poona ka Marwad….???

Ha…thane bero koni…??? Poona ma bhi ek Chotoso…Sundarso…Marwad basyo ha…jikako naam ha…Chokhi~Dhani…

Naya Saal ko swaagat karbane…mhe Chokhi~Dhani gaya tha…Khub masti karyaa…Mehandi Kadaya…Oot pa baithya…Kathputhli, Kalbeliya or Bhopa-Bhopi ko naach dekhya…Matka banaya…Dhol bajaya…Hukko piya…Rajsthani gana pa jhumya…apno Bhavishya janya…Dal-Baati Churma ki rasoi dhaap ka jimya…Bajra ki roti ko swaad chaakhya…Panghat pa paani piya………

Maharashtra ki Dharti pa…Rajasthani Sanskriti ki anubhooti le aaya………..

Chitra Pradarshani

Visit Chokhi-Dhani,Pune Homepage to know more...

Jeevan ki Muskan

Ek.......

Dopahar ka samay tha…Mai aur mera dost Alok…hamesha ki tarah Katraj ke uss PMT bus stop per baithe the jaha hum hamesha baitha karte hai…wah bus stop Main Road se kuch ekadh km ki duri par hai….Kuch ikka-dukka buses hi waha aaya karti hai….

Hum log humare wartalap me mashgul the…humare saath hi uss stop pe ek 50-55 varsh umra ki Mahila bhi baithi thi…wo shayad kisi bus ka intezaar kar rahi thi…thode-thode antaral ke baad wo humse samay puchh rahi thi…bus ka namonishaan na tha……

Kaafi samay tak baithne ke baad mai nikalne jaa raha tha…Tabhi mujhe unhone pukara…
“Beta, mujhe main road ke stop tak chhod doge jara….?”

Chunki…mai uss taraf hi jaa raha tha…maine kaha…
“Ha ha…kyon nahi…Chaliye…..”

Jaise hi hum main road pahuche…Unhone mere chehre pe se haath phera...thik ussi tarah…jaise mere Dadiji mere chehre se pherte hai…aur kaha….

“Bhagwan tumhara bhala kare! Tum bahut tarakki karoge, Beta!”

Itna bada Ashirwaad…Apanatwa…Pyaar aur Ashish se bhara hua Sparsh……….Aur kya chahiye…???

Aise wakaye kaafi hai…Jeevan ko rangin banane me……

Phir….apne chehre pe Jeet ki Muskan liye mai chal diya apni manzil ki or………

Do.......

3M Team se jab bhi koi Onsite jaa raha hota hai…to wo puri team ko party deta hai…Sanjeev aur Vineet ka onsite jaana tay hua…aur Rajwada me ek Shaandar party ka aayojan kiya gaya….

Rajwada….Baner me sthit hai…hum…Mai aur Pritesh, mere collegue…Pashan circle se hote hue Kothrud Depot laut rahe the…Meri ghadi raat ke 11:30 baja rahi thi...Bawdhan ke pass aakar bike band ho gayi…bahut koshish ki lekin shuru na hone par humne tanki check ki…to pata chala….petrol khatm ho chukka hai….Aaspass nazar daudai…ek board dikhai diya...”Petrol Pump 1 km ahead”…Bahut khushi hui…socha sirf 1 km ki to baat hai…bike dhakel lenge….hum nikal pade….139 kg weight wali bike dhakelna…baap re baap…kuch dur chalne par ek aur board dikhayi diya…”Petrol pump 0.4 km ahead”…socha……ab thodi dur ki hi baat hai…..

Hum logo ko aise bike ko dhakelte dekh…..ek White Maruti ZEN ruki……aur uss car me baithe yuvak ne humse puchha….”Kya hua?"

Pritesh ne usse isharo me hi samjhaya…”Petrol khatm ho gaya hai”

Uss yuvak ne car ki dikki se ek can nikali aur mujhse kaha…” Tanki Kholo. Kaha tak jaan hai…?”

“Thodi duri par hi Petrol pump hai…bas wahi tak...aap petrol rahne dijiye…” Maine jawaab diya…Kisi Anjaan vyakti se petrol lene me mujhe sankoch ho raha tha...Aur Petrol Pump pass me hi tha...

“Le lijiye…Petrol Pump koi itne pass me bhi nahi hai…” wo bola...

Akhir mai bhi to ek insaan hi hoon…maine tanki kholi…usne usme Petrol udela…aur wo jaane laga…

Mere mooh se bas ye chaar hi shabd nikale….”Thank you very much!”

Phir hum log bike pe sawar hokar nikal pade…Petrol Pump ki or…ussi Petrol Pump ki or jo wahase sirf 0.4 km tha…waha pahuche…aur dekha….na to waha koi aadmi tha…na Petrol Pump….ek bahut hi bada hording laga tha…jis par likha tha…”Very Soon in Your Service…”...

Phir hum log Chandni Chowk ke dono Petrol Pump gaye…dono bhi band the…yu to high-way wala Petrol Pump der raat tak khula hota hai…lekin……….

Nirasha ke saath hum apne ghar pahuche…apne dimag me wicharon ka sailab liye…apne jehan me kai sawaal liye…

Kaun tha wo yuvak…??? Humne bas 4 shabdo me usse dhanyavad diya…Agar wo na hota to…139 kg wali bhari bharkam bike hume 1-2 nahi balki pure 4 km dhakelni padti…0.6 km me hi to mera dum nikal gaya tha….

Uss carwale ka bhala ho!!!

Aise wakayo ke kaaran hi…to mann me jeet ka ek ehsaas jagta hai…ek vishwaas banta hai…hum zindagi ki ladai me jaroor jitenge…jaroor jitenge................

Alchemist

Alchemist...a wonderful novel written in Lucid and Artistic English by Paulo Coelho...its a story of Santiago... a shepherd from Andalusia...his father wanted him to become a Priest...but he wanted to travel...so with 3 ancient Spanish Gold coins in his kitty he leaves his home...in search of his destiny...

The novel elaborates how Santiago pursues his DREAM!!! It teaches so many lessons to a Day Dreamer like me...

While going through the Fable...i came across some Powerful or Practical Sentences.......

When someone sees the same people everyday, they wind up becoming a part of that person's life....And they want the person to change...If someone is not what other's want them to be, the others become angry...Everyone seems to have a clear idea of how other people should lead their lives, but none about his or her OWN!!!

Everyone believes the world's Greates lie...At a certain point in our lives...we lose control of whats happening to us and our lives become controlled by FATE!!!

Great TRUTH...Whoever you are or whatever it is that you do...when you really want something...its because that desire originated in the soul of the universe...Its your mission on EARTH!!!

When YOU want something...all the UNIVERSE conspires in helping you to achieve it...

I am like everyone else...I see the world in terms of what I would like to see happen...not what actualy does...

All things are ONE!!!

Never stop DREAMING!!!

Making a decision is only the beginning of things...When someone makes a decision...he is really diving into a strong current that will carry him to places he had never dreamed of when he first made the DECISION!!!

The closer one gets to realizing its DESTINY...the more that destiny becomes his true reason for being...

People need not fear the unknown...if they are capable of achieving what they need and want...

We are afraid of losing what we have...whether its our life or our posessions and property...But this fear evaporates when we understand that our life stories and the history of the world were written by the Same HAND!!!

To die tomorrow is no worse than dyeing on any other DAY!!!

One is loved because one is LOVED...No reason is needed for LOVING!!!

Fear of suffering is worse than the suffering itself...No heart has ever suffered when it goes in search of its dreams...because every second of the search is a second's encounter with ETERNITY!!!

The darkest hour of night comes just before the DAWN!!!

When you possess Great treasures within you and try to tell others of them...seldom are you Believed...

There is only one thing that makes a dream impossible to achieve...the Fear of FAILURE!!!


Click Paulo Coelho to know more about him...