Nashik Trip

Mataji ka Mangal

some experiences in business

Trip to Shegaon

Trip to Patur

Deewali Celebrations

Coming shortly...

Last day at CTS

Coming soon...

New link to my blog

Friends,

Because of some technical problem, I needed to change my blog URL...so I copied all the posts from this one to the newer one....

New link is ... http://luckyduckwrites.blogspot.com

New link to my blog

Friends,

Because of some technical problem, I needed to change my blog URL...so I copied all the posts from older one to the newer one....

New link is ... http://luckyduckwrites.blogspot.com

Aa ab Laut Chale

Ek ke baad ek station aate gaye...raat ho gayi...so gaye...

Subah 9 baje Bhusawal aaya...Papa, Mummy aur Nikhil utare...inka Bhusawal se Akola ka reservation Maharashtra Express se tha...mujhe Goa Express se hi Pune tak jana tha...

Sab se vida li...train nikal padi...aage ka safar akele hi tay karna tha...

Goa Express bahut hi fast hai...Daund station pe maine ek novel liya...LoveStory by Erich Segal...bahut hi famous novel hai...Novel padhte padhte Pune kab aaya pata hi na chala...

Station se Kothrud jane wali PMT pakdi...Kal se wahi zindagi phirse shuru hone wali thi...9:30 pe office...aur wapsi kab hogi...iska pata nahi...kabhi 8 to kabhi 9 to kabhi 11 baje....

Sachmuch...tour bada hi majedar raha...koi bhi taklif nahi hui thi kisi ko...nahi koi nuksan hua...haste khelte sab kuch dekhna ho gaya...kai dino se planning chal rahi thi...bahut maja aaya...... :) :) :)

Hujur...Wah! TAJ!!! Boliye

25.06.07

Subah ready huye...luggage pack kiya...Phogla aashram me nirantar path karne wali Matao ke darshan kiye...aur aashram se vida li...

Taxi me baithke...Mathura aaye...hume Agra jana tha...pahle humne bus se Agra jane ka socha tha...lekin taxi me baithe ek Kakaji ki salah humne mani...unke mutabik kuch hi der me Tufan mail hai...wo bhi ussi se Agra ja rahe...

Humara unluck usdin joro par tha...train bahut late thi...train ka intezaar kiya...ticket to hum pahle le hi chuke the...train aayi...hum logo ke pass luggage aur train ki bhid ke kaaran hum General boggie me nahi chadh paye...ek sleeper me hum sabhi sawar huye...

Maine kaha na unluck joro pe tha...1 ghante ke safar me bhi...hum logo ko squad ne pakad liya...fine bharna pada...rakam to mujhe yaad nahi...

Prepaid taxi leke hum log Agra bhraman karne nikal gaye...

Sabse pahle hum pahuche...Lal Kila...



Tez dhup me ghum rahe the...jaan pani pani ho rahi thi...

Lal Kila me ek khidki hai...wahase Taj ka manoram najara dikhai deta hai...Shahjahan issi khidki se Taj ko banta dekhte the...

Lal Kila...puri tarah lal pathhro se bana hai...bahut hi vishal hai...

Kile ke bahar bane restaurant me humne lunch kiya...phir Taj ki or nikal pade...

Taj...uske pravesh dwar se bahut dur...rikshe se jana padta hai...andar auto le jane ko manai hai...auto ke dhuwe se Taj ke paththaro pe daag padne ka khatra jo hai...

Garm sangmarmar pe nange pair chalna pada...jaan hi nikal gayi...


Taj...sundarta evum pyaar ka pratik...

Photography ki...Taj ke kalash pe hath bhi rakha... ;) I mean...Taj ke kalash ke upar hath rakh ke trick photography ki...

Taj ke pass ki hariyali par...ped ki chhav me kuch der baithe...uske baad hume railway station pahuchna tha...train Goa Express hume lene thik 6 baje jo aane wali thi...

Samay ki kami ke karan hum log 1-2 points nahi dekh paye...

Sabke liye...bahut sara Agra ka petha kharida...Station ke ComSum me maine aur Nikhil ne dosa liya...sabne thandi lassi li...train aayi...humlog sawar huye...

Hum log...humara safar khatm karke...apne Ghar ki aur wapsi kar rahe the......

Krishnam Vande Jagatguru!!!

24.06.2007

Subah ready huye...break fast kiya...nikale bus dhundhne...aashram se nikalte hi bus mil gayi...ticket tha Rs. 100...

Sabse pahle hum pahuche...Radhakund...kund ke darshan kiye...lassi pi...

Agla padav tha...Giriraj ji...

Giriraj Dharan ki Jay!!!

Girirajji ki Parikrama ka apna alag mahatva hai...itni badi parikrama puri karne me kai din lagte hai...Giriraj ji ki ek Shila rakhi hai yahake mandir me...humne usiki parikrama ki...

Wahase nikalkar...hum pahuche Barsane...yahaka mandir bahut hi uchai pe hai...budhe logo ke liye doli ki suvidha upalabdha hai...175 payriyan chadh ke hum log darshan ke liye pahuche...wapsi ke samay lassi ka aanand liye...kuch thandak mili...

Is bus ka aakhri stop tha...Nandgaon...mandir me darshan kiye...waha ki kahani suni...aur chal diye...

Phogla aashram pahuche...bhojan kiya...thode vishram ke baad ek auto me baithke pahuche Matura...

Mathura me sabse pahle Krishna Janmbhumi pahuche...pravesh dwar pe bahut bhid thi...bhid ke bich me Hari poshakh pahne military adhikari bhi the...kadi suraksha thi waha...har aadmi ko 3 log aur 2 machines check karti thi...


Krishna Janmabhumi ka Vishal Pravesh Dwar

Yaha par...kai chhote mandir...ek gufa me basaye gaye hai...wo jail jisme Krishnaji ka janm hua tha...wo bhi vyavasthit hai...

Nand ghar aanad bhayo Jai Kanhaiyyalal ki!!!

Yaha ki Radhe-Krishna ki jhanki bahut hi sundar lagi...camera bahar hi rakhwaya gaya tha...so sundarta ko kaid na kar saka...

Mandir se nikalke chaat ka aanand liya...UP ki chaat aur MH ki chaat...bahut fark hai...UP ki chaat ki baat kuch aur hi hai...

Iske baad Dwarkadhish ke Mandir pahuche...ye mandir bahut hi bhid wale sthan pe hai...ek to bahut bada market...aur chhoti si galli...bhid to hogi hi...

Mandir ke darshan kiye...mummy ne ghar ke Kanha ke liye mukut liye...

Mandir ke pass hi me...Vishram ghat hai...Yamunaji ke darshan kiye...boating ka maja liya...Yamuna ji ki aarti dekhi...

Ab phirse apne padav pe lautna tha...Vrindvan ke Phogla aashram........

Jai Shri Krishna!!!

23.06.2007

Hey Krishna! Karunanidhe DinBandhu Jagatpate!!!

Raat bhar ke safar ke baad hum log pahuche Krishna Janmabhumi Mathura...Mathura ke mukable jyada mandir Vrindavan me hai...to hum log a auto se Vrindavan ke liye nikale...Mathura-Vrindavan ki duri kuch 15km ki hi rahi hogi...

Vrindavan me Phogla Ashram jo ki Raman Reti par sthit hai me aashray liya...ready hokar lunch kiye...bahut thake huye the to thodi neend bhi li...uske pashchaat 2 rikshe thahra ke hum log nikle Vrindavan ghumne...

Vrindavan ke rikshaws kuch ajeeb hi lage...ek dum chhote chhote...seat to itni chhoti ke 2 aadmi bhi thik se na baith sake...aur to aur in rikhsaw me samne ki patli bhi nahi hoti...in rikhe walo ki 1 aur visheshta tum ko batadu...in rikhaw me ghanti nahi hoti...jab bhi koi bich me aaye...to ye log Radhe, Radhe aisi aawaj laga dete hai...

Kya kahenge aap isse...??? Mai to isse aseem bhakti evum nishtha hi kahunga...

Rikshaws me baithkar hum log ek ke baad ek mandir dekhne nikal pade...Vrindavan ke vividh mandir iss prakar...

1. Pagal Baba Ashram
2. Banke Bihari Mandir (Yaha Kanha ki Baal Murti ke darshan liye jaa sakte hai...Kanha ko najar na lage isliye mandir ka parda thode thode antaral ke baad band kiya jata hai...)
3. Radha-Raman Mandir
4. Radha-Damodar Mandir (Iss Mandir ki Parikrama lagane pe Govardhan Parvat ki parikrama ka phal milta hai...)
5. ISKCON Temple
6. Rang Mandir
7. Shish Mahal
8. Nidhi Wan
9. Govindji Mandir
10. Radha Rani Mandir
11. Kadam Ped
12. Radha Tila




Tedhe khambo wala Radha-Govind Mandir
In sab mandiro ke darshan lete huye...Makhan Mishri...Lassi...Maal Pua...Rabri ka aaswad to hum le hi rahe the...

Radhe-Krishna ki sajeev mudraye agar aapko dekhni ho to ISKCON mandir to aapko jana hi padega...koi bhi ISKCON Mandir lo...jaise Delhi...Mumbai...ya phir Vrindavan...in mandiro ki shobha bahut hi nirali hoti hai...yaha ke bhajan kirtan me badhiya aanand bhi aata hai...

Haan...Vrindavan me bandaro bahut hai...khabardar...agar aapke pass Mobile, Chashma ya goggle hai to chhipa lijiye...bandar log rahne nahi denge...Radhe-Govindji ke mandir me ek bandar ne Papa ke khande pe chadh Papa ka chashma leke chala gaya tha...

Ashram pahuche...dinner ka mood to kisi ka tha nahi...dudh liya aur so gaye........

Deobhumi Rishikesh

22.06.2007

Din ki shuruwat huyi...Rishikesh ka saundarya aankhon me sama gaya...Wah!!! Prakruti ka anupam tohfa...aap bhi iska luft uthaiye...niche ki tasvir dekh kar... :-)



Fatafat ready huye...humari School jisme hum ruke the wo Ram Jhule ke pass hi thi...Ram Jhula paar karke...waha ki ek tapri pe chay-suwali ka maja liya...

Iske pashchaat humne Geeta Bhawan...Parmarth Niketan...Vanprasth Aashram...Swargashram...ye mandir dekhe...

Baba Bhuthnath ka mandir kuch uchai pe tha...to hum log waha gaye nahi...Parmarth Niketan me bani 12 avtaaron ki jhakiyan evum kaanch ke mandir manmohak lage...

Lunch...Chotiwala me kiya...Chotiwala naam ka bahut hi badhiya restaurant hai waha...yahaka vishesh aakarshan...restaurant ke baahar baithne wale Chotiwale hai...



Lunch ke pashchaat...Neelkanth Mahadeo ke liye nikle...ye kuch 10-12 km ki duri pe hai...Uchi uchi pahadiyon ke bich Bholenath ka puratan mandir...karibi logo ki bahut shraddha hai uspar...

Neelkanth ke dwar pe mattha tek kar nikle...taxi ke sabhi log aane baki the...pattharon par baithke intezaar jari tha...Neelkanth Mahadeo hum log ek local taxi se gaye the...

Wahase lautne ke baad...Laxman jhula...11 manjila mandir dekha...Mandir ke bhitar hum log gaye nahi...bahut thake huye jo the...

Lautkar packing ki...mai aur Papa...bus stop jakar...Mathura ki bus ke liye inquiry karke aaye...

Parmarth niketan dwara ki jane wali Ganga Arti ke baare me Samta Mausi se kafi kuch suna tha...uske darshan lene baki the...Parmarth niketan pahuche...Nikhil ka Gangaji me nahane ka bahut mann tha...usne apni jidd puri ki...

Parmarth Niketan ke saare anuyayi aarti ke pahle bhajan-kirtan karte hai...Yagya bhi kiya jaata hai...hawan ke pashchaat aarti ki jaati hai...visheshta to iss baat ki hai ke Pancharti har aadmi ke haath me di jaati hai taki wo bhi apni Gangaji ki aaradhna kar sake...bahut aanand aaya aarti karke...




Aarti ke baad...school pahuche...hum log school me hi ruke the...luggage liya...bus stop pahuche...Mathura humara intezaar kar raha tha......

DevBhumi Uttaranchal

21.06.07

Subah jaldi ready hoker ke breakfast kiya...fatafat Indica me sawar huye...Indica pahlese hi book ki huyi thi...ab sidhe Haridwar pahuchna tha...

Delhi ke traffic ko paar kiya...lekin Faridabad tak gadi 30km/hr ki raftar se jyada chal nahi saki...road pe traffic bahut tha...

Jaise hi Uttaranchal ki shuruwat huyi...mausam kuch thanda lagne laga...pure khet me lahlahati fasal manmohak lag rahi thi...hawa ek ajeebsi khushboo liye thi...

Haridwar kuch 10 km ki duri par tha...meri najar ek building pe padi...naam tha Patanjali Yoga Sansthan...Mummy-Papa bole nahi rukte...mai bola...Chalo dekh lenge...aakhir RamdeoBaba ka naam bahut famous hai...



Patanjali Institute...bahut hi badi jagah me faila hua tha...puri jagah me lawn, fountains, statues building ki shobha badha rahe the...Patanjali ki Vishal murti darshako ka man moh leti thi...

Institute me marijon ko free me check kiya jata hai...dawai ke paise lagte hai...

Yaha se nikalkar ab Haridwar pahuchna tha...

Har ki Paudi pahuche...Ganga maiyya ke darshan kiye...Ganga Mandir me puja ki...

Haridwar me...Mansa Mata aur Chandika Mata ke mandir pahadi pe bane hai...yaha jane ke liye Udan Khatolon ki madad li ja sakti hai..



Humne...Rs. 152 me combo pass li...jisme dono mandir Udan Khatolo me baith ke ja sakte hai...aur to aur 2 mandir ke bich transportation bhi ho jata hai...Udan Khatole ki service Usha Breko Ltd. dwara di jati hai...humne 2no mandir ke darshan kiye...

Haridwar me...aur bhi kai mandir the...jaise Pawan Mandir...Bharat Mata mandir...ShantiKunj...lekin Gangaji ki aarti ka samay ho chuka tha...to hum log sidhe Har ki Paudi pahuche...



Sachmuch...itna Vishal Jansamuh...eksaath...haath me Deep liye...Gangaji ki aarti kar raha...ye drishya bahut hi lubhawna lagta hai...humne bhi aarti ki...apne apne deepak ko Gangaji me bahav diya...

Haridwar se Rishikesh kuch 10-15 km ki duri par hi hai...waha jake rukna tha...Hari ke Dwar se nikale...Rishikesh pahuche...ek school me room liya...school ka naam tha...Aadarsh Sanskrit Vidyalay...undino...chhuttiyan chal rahi thi...isliye schoolo me room diye jate the...

Bahar ke restaurant me dinner kiya...aur so gaye........

Ab Delhi dooor nahi...

Delhi pahuchte hi...Paharganj ki Ajanta Hotel me room li...fresh huye...Paharganj me hotels ki kami nahi hai...pure area me hotel hi hotel hai...

Pass hi ke ek restaurant me jake dinner kiya...phir so gaye....

20.06.07

Subah jaldi jaag kar ready huye...waise to Delhi pahle bhi ghuma hua tha...lekin naye points dekhne the...Papa aur maine jaker, Delhi site-seeing ke liye Indica book ki...

Break fast kiya...aur Indica me sawaar hoke...nikal pade Delhi dekhne...

Delhi bahut garm thi...subah 10 baje bhi garmi ke mare bura haal ho raha tha...

Ee hai Delhi nagariya Tu dekh babua...

Sabse pahle pahuche...ISKCON temple...mujhe ISKCON temple bahut hi pasand aate hai...khass kar wahaki murtiyan...bahut sajeev lagti hai...

Yaha ke animation show ke baare me Reetesh se kaafi kuch suna tha...wahapar Geetasaar par aadharit Vaidic Pradarshani bahut hi sachchi evum manohari pratit huyi...ticket tha Rs. 40...

Iske pashchaat...hum log pahuche Metro train ke Appughar stop pe...AppuGhar humne last Delhi visit me dekha hi tha...driver ne hume samajha diya tha...ke humko Zandewalan stop tak jana hai...waha utarkar Vishal Bajarang Murti ke pass rukna hai...

Metro train bahut hi pyaari lagi...fully automated train...har station pe apne aap doors khulte aur band hote the...station aane se pahle suchna di jaati thi...ke agla station kaunsa hai evum station left/right side me hai...

Zandewalan station ke pass...ek Bajarangbali ki Vishal murti hai...uske darshan kiye...usi murti ke andar aur mandir bane hai...

Uske pashchaat...karol bagh pahuche...waha ke ek restaurant me lunch kiya...Karol bagh bahut hi bada market hai...waha se sab bachchon ke liye school/tution bags kharide...yaha har badi/chhoti dukan me bargain hota hai...

Ek majedar wakya sunata hoon...Mummy ek imitation jewelry shop gayi...waha chudiyan dekhi...Mummy ko wo pasand to aayi...lekin Mummy ne socha ke achchi niklegi ya nahi...to nahi leti...chudiyon ka rate Rs 600 tha...to Mummy ne Rs. 400 me hi maanga...yah sochkar ke wo nahi dega...lekin wo shopkeeper Rs.400 me dene me ready ho gaya... :-) ...phir kya tha...Mummy ne Rs. 400 ka risk le hi liya...

Ab hume jana tha...Akshardham temple...yaha par photography allowed nahi hai...isliye i don't have any photographs...

Akshardham temple...bahut hi Vishal hai...Swami Narayanji ke jeevan par aadharit vividh karyakram bhi yaha pesh kiye jaate hai...yaha ka pramukh aakarshan Musical Fountains hai...mandir me entry to free hai ...lekin waha ke karyakram dekhne ki alag alag tickets hai...

Akshardham se lautkar...hum phir pahuche Paharganj...Hotel Ajanta se hum subah hi check out kar chuke the...iss baar Hotel Maharani me room liya...raat bhi ruk ke subah Haridwar-Rishikesh ki or jana tha...

Jaipur ki Rahon par...

19.06.2007

Subah jaldi uthakar...phataphat sab log ready huye...Khatu Shyamji ki Shringar aarti ke darshan jo karne the...Aarti ke darshan kiye...kitna sunahara mauka tha...iss baar
Khatu Shyamji ki Shayan evum Shringar in dono aartiyon ke darshan huye the...

Mandir ke bahar aa kar...Tea-Coffee li...aur chal diye Jaipur ki or...car me pura luggage pahle hi saja liya tha...

Waise to Jaipur kai baar ghuma hua tha...lekin phir bhi in 5-6 salon me jo kuch naya bana hoga wo dekhna tha...aur thodisi shopping bhi karni thi...

Jaipur pahuchte hi...sabse pahle Akshardham (Swami Narayan Mandir) dekha...ye Vishal evum Khoobsurat mandir, Jaipur ke Vaishali area me Swami Narayan Trust ne hi banwaya hai...



Iske pashchat hum logone...Birla Mandir...Motidungri ke Ganeshji...HawaMahal (baharse)...Galtaji...Govindji ka Mandir dekha...

Govindji ke Mandir ke pass bane ek restaurant me lunch liya...iske baad...Baapu Market...Johari Market...Badi Sadak Market dekhe...Mummy ne Bapu Market se 2 saareeyan li...aur Nikhil ke liye 2 dress...No dress for me!!! :-(

In marketon me bani saari dukane Pink color ki hi hai...isiliye Jaipur ko Pink City bhi kaha jata hai...

Ab bhi humari train ko bahut waqt tha...to humne bacha samay Kanak Vrindavan Gardan me bitane ka socha...waha jakar dekha...to aise laga...ye koi gardan nahi balki lawn se bhi battar jagah hai...upar se Suraj to qahar dhha hi raha tha...

Train ke samay ke thik 1:30 ghante pahle hum log nikle...raste me Signal pe bana Peacock garden dekha...jo Kanak Vrindavan se bhi HaraBhara pratit hua...

Jaipur me dekhne layak anya sthaan...Amar fort...Jantar Mantar...Craft Museum...Nehru Rose Garden...Albert Museum.....